غرد يابلبل لو ماحولك أشجار

أنقل لكم هنا تغريداتي في تويتر
ويسعدني ويشرفني متابعتكم
وسوف أقوم بنقل كل ماهو جديد من تغريدات

للتواصل
حسابي على تويتر
نايف العبيد
@naif_obid

يا للأسف أكبر طموح البشر صار = متابعيهم في تويتر يزيدون
غرد يابلبل لو ماحولك أشجار = غرد وخل الناس خلفك يعيدون
الملك لامن دعيناه استجاب = فاز من يرضيه والمجرم هلك
الملك يعطي ولا يحسب حساب = الملك ربي ولا غيره ملك
صباح الخير ابرسلها على الأحباب والأصحاب = على كل شخص بتويتر جلس يقرأ تغاريدي
أبي أملا عيون اللي يتابعني فخر وإعجاب = ويروى لاورد ضامي القصايد من مواريدي
يارب ترحمني وتغفر ذنوبي = ولا تحاسبني بعدلك يارحمن
وجنبني العثرات واستر عيوبي = واحشرني مع موسى وعيسى ولقمان
كلن فتح له داخل تويتر حساب = الا أنا حبيبتي مانعتني
واذا سألته ياترى ويش الأسباب = تقول أغار وغيرتي جننتني
أبي أغرد على تويتر = والناس تقرأ تغاريدي
يمكن تحن هايدي لـِ بيتر=وعلياء تجي يم أباا زيدي
صدري كما فايح الهيتر = عزيل صدر المقيريدي
ياليت شباك الغضي مفتوح = عشان لا غردت يسمعني
قلبي خضر مثل الشجر والدوح = دايم هبوب الريح يسفعني
شاعر تويتر مابقابه روح = عيا نصيبي لا يطاوعني
ياسعود ياراع الوفى وش نوح = حظي عن الغالين يقلعني
قولو له اني بالهوى مجروح = كثر الجفى والصد يطعني
جيت اغرد وانثر حروف القصيد = في تويتر والمشاعر فايره
جيت كلي واشعل المعنى وقيد = في تويتر والقوافي ثايره
ياوين أبلقالي رفيقن على الدين= ماهو بنقادن ولا هو بشمات
وإذا زهمته قال لبيه ويبين = في ساعةِ ترفع مقامه دراجات
كلن يغرد على ليلاه = بتويتر وينثر حروفه
عزاه ياهل الهوى عزاه = شمس الضحى ليش مكسوفه ؟!
القصايد والقوافي تحتريك = والدعاوي لجل عينك تبتهل
نحمد اللي ماله بحكمه شريك = في شفاءك يابومتعب يابطل
كل أبو شعبك يابومتعب يبيك = لنك لشعبك يابو متعب أمل
فرحة أمة في شفاءك يامليك = مملكتنا كل أبوها تحتفل
ودي أغرد واكتب بيوت وبيوت = عشان يلقاها الغضي داخل تويت
وإذا قراها قبل مايفوته الفوت = سوالها من كثر الإعجاب رتويت
إن حظي ليس برا" فوق شوك نثروه = بل سرابا" يعجز العطشى إذاهم خايلوه ؟!
يارب ياخالق من النور جبريل .....وآدم من الصلصال وابليس من نار
يامن تشوف النمل في ظلمة الليل ..... ياسامع الحيتان في غب الإبحار
ياحامي(ن) بيتك بطير(ن) أبابيل...... يامؤي محمد وأبوبكر بالغار
إرضى علي واجعل دروبي تساهيل ..... وارزقني الجنة بساتين وأنهار
غردي خلي تويتر يسفهل ,,,,, البلابل من تغاريدك تغار
الأماكن في حضورك تحتفل ,,,,,, لا حضرتي ينقلب ليلي نهار
خلاص ارحل وانابرحل واخليك ...ما اقدر اكمّل باقي العمر واياك
دامك تخون اللي يحبك ويغليك ... ابعد بعيد أرجوك عن عيني ما ابغاك
من عين نايف طحت ماعاد يمديك ... انت السبب دامك تخون اللي يهواك
باكر تبي تندم على فعلت ايديك .... وتبكي على مافات وتعض يمناك
جازيتني بالغدر الله يجازيك .... وش لون قلبك طاوعك آه ما اقساك
اليوم ياغدار بانت مماشيك ... حتى قطار الحب فات وتعداك

siege auto