ياهل الهوى خلي له شهور مادق=تكفون شوفو صاحبي وش جراله
وش فيه جواله على طول مغلق=وش قصته لايكون طلّع بداله
ياقو قلبه ليه ماحن أو رق=هو مادرى إني ميّتٍ في وصاله
كانه معي جاير فأنا اليوم منشق=وآبعلن الثورة من أجل العداله
أنا كما شعبٍ كسيرٍ ومندق=من قسوة السلطان زاد انفعاله
سمع وعود اللي وثق به وصدّق=حتى طفح كيله وفاض احتماله
وخرج على شان المساواة والحق=وطالب بإسقاط الرئيس وزواله
طالب بإسقاط النظام وتحقق=اللي يبيه وريّح الشعب باله
مير البلا قلبي عليه متشفّق=مقدر على بعد الغضي وارتحاله
متى يزول الغيم والشمس تشرق=وآشوف خلي وآتفيا ظلاله
ليست هناك تعليقات:
إرسال تعليق